Devkumari Thapa ka Kathama Baaljeevan

सिक्किम विश्वविद्यालयबाट उहाँले "देवकुमारी थापाका कथामा बालजीवनको सन्दर्भ" विषयमा गर्नुभएको पीएचडीमा आधारित यो कृतिको विराटनगरमा वैशाख ३, २०७९ का दिन हुने कार्यक्रममा विमोचन हुने कार्यक्रम छ ।

देवकुमारी थापासम्बन्धी नेपालबाट धेरथोर काम भए पनि भारतबाट त्यति गम्भीरताका साथ काम भएको थाहा पाइँदैन । यहाँका विभिन्न महाविद्यालयका स्नातक तहका पाठ्यक्रममा थापाका कथाहरू अध्ययनअध्यापन भए पनि शोध अध्ययनको क्षेत्रमा त्यो कमी रहेको देखिन्छ। यस दृष्टिले हेर्दा प्राज्ञिक र साहित्यिक क्षेत्रमा दिपेनको यो पुस्तक नै पहिलो पुस्तक भएर थापाको कथाकारिताले पुयाएको अथाह योगदानलाई थोरै भए पनि मूल्याङ्कन गर्ने प्रयास गरेको पुष्टि हुन्छ।
-प्रो कविता लामा

दिपेन तामाङले देवकुमारी थापाका कथामा बालजीवनको सन्दर्भ शीर्षकमा पीएच डी (विद्यावारिधि) गरिसक्नुभएको छ । यो दिपेन भाइको महत्त्वपूर्ण प्राज्ञिक उपलब्धि त हुँदै हो, त्यससँगसँगै विशिष्ट कथाकार दिज्यू देवकुमारी थापा र उहाँको कथा-साहित्यप्रतिको सम्मान पनि हो ।...फेरि त्यही शोधप्रबन्ध अहिले अनुसन्धानात्मक समालोचना-ग्रन्थका रूपमा प्रकाशित हुन लाग्दा म झन् खुसी छु।
-प्रमोद प्रधान