'बैसालु खप्तड’ मैले पढेँ र यी शब्द लेख्दै छु । भोजराज भट्टजीको सोच पनि अग्लो र उज्यालो छ, चिन्ता गहिरो, छटपटी क्रियाशील र प्रेम संक्रामक छ। यिनै सोच, चिन्ता, छटपटी र प्रेमले उहाँलाई लेखक बनाएको छ, यात्री बनाएको छ, सहृदयी बनाएको छ । उहाँका यसअघिका किताब साक्षी छन् । यो नियात्रासंग्रह अर्को पुष्टि हो ।

-नीलाम्बर आचार्य,  वरिष्ठ राजनीतिज्ञ

नियात्राकार भोजराज भट्ट खप्तडलाई बैसालु भन्छन्, रागात्मक भन्छन् । यिनको नियात्रा लेखन वस्तुपरकभन्दा पनि भावात्मक छ भन्ने कुरा यस्तै शब्दावलीबाट थाहा हुन्छ । रागात्मक खप्तड शीर्षकको लेख अत्यन्त भावपूर्ण छ । त्यसो त यस नियात्रासंग्रहका धेरैजसो पक्ति कवितात्मक छन्, मार्मिक  छन् ।

- प्रा. डा. चूडामणि बन्धु