सरकारका निकायहरूबारे एउटा भनाइ छ- दायाँ हातलाई थाहा छैन बायाँ हात के गर्दैछ । अहिले Journey mapping गर्ने हो भने सामान्य कामको लागि सेवाग्राही कति ठाउँ धाउनुपरेको छ भन्ने बुझ्न सकिन्छ । यसलाई सुधार गर्न सरकारले प्रभावकारी समन्वय संयन्त्र बनाए पुग्दछ । यति पनि सरकारले गर्न सकेको छैन । - उमेश मैनाली

वित्तीय सङ्घीयता सङ्घीयताको आत्मा हो। राजनीतिक सङ्घीयता र प्रशासनिक सङ्घीयतालाई वास्तविक रूपान्तरण गर्न वित्तीय सङ्घीयताको सबल ढाँचा र कार्यान्वयन अपरिहार्य हुन्छ । वित्तीय सङ्घीयता सरकारका तहहरूबीच राजस्व आर्जन र खर्च गर्ने तरिका तथा जवाफदेही वित्त प्रणालीसँग अन्तरसम्बन्धित हुन्छ ।

- डा. सोमलाल सुवेदी संवैधानिक विवादको प्रभावकारी समाधानका लागि दीर्घकालीन समाधानको विषय भनेको कि त संवैधानिक अदालतको स्थापना हो कि त साविकको विशेष इजलासको व्यवस्थालाई पुनः क्रियाशील गराउनु नै हो । यी दुईमध्ये कुनै एक विकल्पको प्रयोगका लागि संविधान संशोधनको आवश्यकता पर्दछ । त्यसैले यो समय लाग्ने प्रकृतिको सुधारको उपाय हो । छुट्टै संवैधानिक अदालतको स्थापना गर्ने उपायलाई अवलम्बन गर्ने हो भने त्यसले I अध्ययनको खोजी गर्दछ । तुलनात्मक - श्यामकुमार भट्टराई

निकै लामो अनुभव बटुली सके पनि नेपालको आर्थिक कूटनीतिले अपेक्षित प्रतिफल दिनसकेको छैन । आर्थिक कूटनीतिको प्रभावकारिता कम हुँदाहुँदै पनि नेपालले वर्षेनी रु. १५ खर्ब बराबरको वाहय आर्थिक स्रोतहरू आर्जन गरिरहेको छ । आर्थिक कूटनीतिको प्रभावकारिता वृद्धि गर्ने हो भने यी स्रोतहरूलाई अझ बढाएर नेपालको आर्थिक विकासमा लगाउन सकिन्छ । अतिकम विकसित मुलुकबाट स्तरोन्नति भएपछि वैदेशिकक व्यार र सहयोगसमेतमा गुम्ने सहुलियतहरूको साटो नेपालले आफ्नो प्रतिस्पर्धी क्षमतामा खरो उत्रन पनि आर्थिक कूटनीतिलाई थप सबल बनाउनुपर्ने हुन्छ। -मधुरमण आचार्य

नेपालमा सुशासन कायम गर्ने प्रयोजनका निम्ति जारी भएका कानूनहरूको कार्यान्वयन पक्ष ज्यादै फितलो छ । मुलुकले मुशासनको अनुभूति दिन सकेको छैन । विचौलिया र दलालको बिगबिगीले सेवाग्राहीहरूले पाउने सेवा महंगो बनेको छ । राज्यले त्यसलाई नियन्त्रित र व्यवस्थित गर्न सकिरहेको छैन । - काशीराज दहाल

संवैधानिक नैतिकता राज्यका उच्चाधिकारिहरूको स्वैच्छाचारी, निरङ्कुश वा एकाधिकारविरुद्धको एक महत्त्वपूर्ण र बन्धनयुक्त संवैधानिक आदेश पनि हो । - डा. दीवाकर भट्ट