भोटसँग नेपालको सम्बन्ध इसाको सातौं शताब्दीदेखिको हो । मल्लकालमा त भोटमा नेपाली मुद्रा नै प्रचलनमा थियो । भोटको । व्यापार नेपालीमा निर्भर थियो । विसं १९३९-४१ को नेपाल-भोट विवादपछि भोटका शासकहरू नेपालीहरूका सर्त मान्न मन्जुर भए । तर त्यससँगै परापूर्वकालदेखि एकछत्र रूपमा कायम आफ्नो व्यापार नेपालले सधैंका लागि गुमाउनुपर्यो । आखिर विवादको चुरो के थियो ? नेपालले केकस्ता सर्त राखेको थियो ? यस पुस्तकले यावत् जानकारीहरू मात्र होइन, कूटनीतिक महत्त्व राख्ने थुप्रै कुरा पस्किएको छ ।