विश्वको सर्वाधिक चर्चित खेल हो फुटबल र नेपालीहरूको पनि प्रिय खेल ।
संसारका अरू देश आधुनिक रङ्गशालामा फुटबल खेलिरहँदा नेपालीहरू भने मोजाको बल बनाएर फुटबल खेलिरहेका थिए। त्यस्तो अवस्थाबाट खेल्न शुरु गरेका नेपाली खेलाडीले नेपालको फुटबलको क्षेत्रमा गरेको योगदान राष्ट्रिय- अन्तर्राष्ट्रिय मैदानमा खेलेका खेल, उपलब्धि र इतिहासको कथा हो— स्वर्णकथा नेपाली फुटबलको ।
नेपाली फुटबलको जग बसेको सय वर्षभन्दा बढी भइसकेको छ । आज नेपाली फुटबलको अवस्था जे जस्तो छ, त्यसलाई यस रूपमा ल्याइपुयाउन खेलकुद क्षेत्र र खेलाडीहरूको अतुलनीय योगदान छ । तिनै योगदानहरूको तथ्यात्मक इतिहास यस पुस्तकमा छ ।
अतीत र वर्तमानबीच जहिले पनि चलिरहने एकखाले संवाद र तिनै इतिहासको पानाका सुनौला कथाहरूको दस्तावेजलाई सरल र चित्ताकर्षक शैलीमा चित्रण गरेका छन्- हिमेशरत्न वज्राचार्यले ।