मैदान र पहाड, दुवैसँग नजिक तर तीभन्दा भिन्न साँस्कृतिक मनोविज्ञानको उपस्थिति हो सुन्दरका कविताको सौन्दर्यशक्ति । यस सङ्ग्रहका कवितामा विचार मैदानमै पर परसम्म फैलिन खोज्छ, बेलाबेला नोष्टाल्जियाको झोडामा हराउँछ पनि, तर झोडा छिचोलेर फेरि समकालीन चेतनासँगै जोडिन्छ ।
अग्ला-होचा चुलाचुलीका उकाली-ओराली, घुम्ती-नागबेली बाटा उनका कविताको शिल्प पक्ष भयो । सत्ताइत्तर रैथाने विम्ब, सांस्कृतिक प्रतीक र मीथ अनि आफ्नै घुयानको भाषा टिपेर विराट विश्वदृष्टिकोणसहित कवितालाई कलात्मक उचाइ दिने कवि हुन् उनी ।
पृथ्वीको आविष्कार हामी पृथ्वीवासी त्यसमा पनि सत्ताभन्दा पर छ जो, सीमान्तकृत छ, अस्तित्वका निम्ति सङ्घर्षरत छ, ती मानिसलाई एक इमानदार कविले कत्ति चोखो भावनाका साथ टक्राएको उपहार हो ।
- स्वप्निल स्मृति