परिचय छ , लामो पत्रकारिताको । परिचित भए नेपाली साहित्यमा पनि । सत्यतथ्यमा आधारित भएर समाचार लेख्ने पत्रकार । सत्यलाई परिकल्पनाले कलात्मक बनाउने साहित्यकार । सबैले देखिने गरी उत्रिए दुवैमा वसन्त पराजुली ।

कुमाताले साहित्यमा परिचित गरायो । प्रतिष्ठा बढायो पुरस्कार पनि दिलायो । यसको प्रकाशनपूर्व गरिएको शुभसङ्केत र कामनाले सार्थकता पायो । पहिलो कथासङ्ग्रहबाट हौसिएका वसन्त अब मोमचोमा निस्किएका छन् , बेजोड तयारीसाथ । यो यात्राले उनलाई कथायात्रामा सुनिश्चित गर्न सक्ने मलाई विश्वास छ । कथामा आजको जीवन र समाजलाई ऐनामा जस्तै गरेर देखाउन सकेका छन् ।

कथाको दम , कथाकारितासँगै कथाशक्तिमा पनि उत्तिकै जोडिएका छन् , प्रत्येक कथामा । कथाको यो यात्राले वसन्तलाई परीक्षणकालबाट स्थायी बनाउने र स्थापित पनि गराउनेमा म ढुक्क छु ।

श्रीओम श्रेष्ठ ‘ रोदन ‘
साहित्यकार