२०७० साल फागुनमा बालसाहित्यका स्वदेशी तथा विदेशी लेखकहरूको कार्यशाला भएको थियो । यसको संयोजन कथावाचक समाजले गरेको थियो । यो पुस्तक त्यसै कार्यशालाको उत्पादन हो । यो चित्रकथा ३ देखि ५ वर्षसम्मका बालबालिकालाई पढेर सुनाउनका लागि तयार गरिएको हो । ६-७ वर्षका भएपछि यसलाई उनीहरू आफैँले पढ्न सक्ने छन् । यसको परिष्कार तथा परिमार्जनमा डेनिस लेखक स्याली अल्सुलरको महत्त्वपूर्ण भूमिका रहेको छ ।

लेखन: अमरकुमार प्रधान

जन्म : २०११ मंसिर १७ स्थान: सानेपा, काठमाडौँ शिक्षा : एम.ए (नेपाली)

उहाँ बालसंसार प्रा.लि.का प्रबन्ध निर्देशक हुनुहुन्छ । उहाँले यसअघि 'कस्तो राम्रो चङ्गा', 'अनौठो कलम' जस्ता बालचित्रकथाका साथै भाइ-बहिनीहरूका लागि धेरै किताब लेख्नुभएको छ । उहाँका 'शान्ति कान्ति', 'त्रिविध', 'अमरका कथाहरू' जस्ता कथासङ्ग्रह प्रकाशित भएका छन् । उहाँले तन्नेरी प्रतिभा सम्मान, सुनकोसी आमा सम्मान जस्ता धेरै पुरस्कार र सम्मान पाउनु भएको छ ।

चित्राङ्कन: विजयराज शाक्य

जन्म : २०२६ साल असार २९

स्थान : न्याचोक, पाटन

उहाँले चित्रकला शिक्षकका रूपमा विभिन्न विद्यालयमा काम गर्नुहुन्छ । यसअघि उहाँले 'हराए झुसिलकिराहरू', 'लाइफ अफ बुद्ध', 'मेरो ब्रुस खै' र 'जून' जस्ता चित्रकथाका पुस्तकमा चित्राङ्कन गरिसक्नु भएको छ । उहाँले शिलालेख, पोष्टर डिजाइनजस्ता प्रतियोगितामा विभिन्न पुरस्कार पाउनु भएको छ ।