Dravyagun Bigyan Bhag 1

यसै सन्दर्भमा यस पटक हामीले डा . श्याममणि अधिकारीको द्रव्यगुण विज्ञान शीर्षक ग्रन्थ पाठकमाझ रोखका छौँ । आयुर्वेद औषधि विज्ञानसँग सम्बन्धित प्रस्तुत ग्रन्थ तयार गर्न विद्वान् लेखकले धेरै मेहनत गर्नुभएको छ । जीवनमा मानव मात्रका लागि स्वास्थ्य सबभन्दा महत्त्वपूर्ण कुरा हो । शारीरिक र मानसिक रूपमा स्वस्थ रहनु मान्छेको सर्वोच्च लक्ष्य हुन्छ । जीवनमा सबै उपलब्धिहरूको प्रमुख आधारशिला स्वास्थ्य नै हो । स्वास्थ्य सम्बन्धमा अहिले रासायनिक र कृत्रिम औषधिहरूप्रतिको विकर्षण विश्वव्यापी हुँदै जाँदो छ र जडीबुटीजन्य प्राकृतिक औषधिहरूप्रतिको आकर्षण दिनप्रतिदिन गम्भीर हुँदै आइरहेछ । प्रस्तुत ग्रन्थ सम्बन्धित विषयका विद्यार्थीका लागि पाठ्यपुस्तक त हुँदै हो , त्यति मात्र नभई यस विषयमा रुचि राख्ने अन्य पाठकहरूका लागि समेत यो अति उपयोगी हुनेछ भन्ने हामीलाई लागेको छ ।