पुस्तकको बारेमा
हिमाल आरोहणको इतिवृत्तभन्दा अमिल्दो नलाग्ने ‘चुली’ यथार्थमा मानवीय जिगीषा र जिजीविषाहरूको साहसिक अभियानको राम्रो अभिलेख भइदिएको छ । आरोहण खतराको चुनौती स्विकार्ने साहस, सगरमाथा आरोहीको रोमाञ्चक अनुभव र अद्भुत भोगाइको सजीव आलेख रोचक छ र आकर्षक पनि ।
प्राकृतिक छवि अंकित गर्ने दृष्टिले मात्र होइन, सग।माथाको विकरालता, जोखिम, दुर्घटना, आशंकित मृत्यु आदिको अनुभूति । र दुर्लंघ्य सगरमाथाको भौगोलिकता, आरोहण वृत्तान्त, त्यस सम्बन्धी प्राविधिक ज्ञान, वायुमण्डलीय चाप, आरोहणमा प्रयोग हुने औजार, दुर्गम स्थलका नाम आदिको जानकारीले ‘चुली’ एक गैरपर्वतारोहीको आरोहण लघुउपन्यास हो भनेर सायदै कसैलाई लाग्ला ।
पछिल्लो बाहिरी पृष्ठबाट
साहित्यमा पनि सगरमाथाहरू छन् । सगरमाथाका जोखिमहरू पनि छन् ।
आरोहण गर्ने क्रममा चुलीहरू भेटिन्छन्, छोइन्छन् तर चुलीहरू नै साहित्यको साउथ समिट होइन । साहित्यमा त एउटा साउथ समिटपछि अर्का समिटहरू आउँछन्, जो मिटरले नापिंदैन । साहित्यको आरोहण एक आस्थाको आरोहण हो, अहम्को आरोहण हो, समर्पणको आरोहण हो, सृजनात्मकताको आरोहण हो । यी आरोहणका क्रेम्पोन पाइलाहरू मात्रै हिंडिरहनुपर्छ, उक्लिरहनुपर्छ, चुली त आफैँ नुहिदिन्छ ।
शिखरीय उचाइका रूपमा चुली एउटा यस्तो भव्यता हो, जो ठ्याम्मै सगरमाथा भएर देखापरेको छ । साहित्यमा सरुभक्तको आरोहण झुक्दै जाने चुलीहरूको यस्तै एउटा स्पर्श हो ।- कृष्णचन्द्रसिंह प्रधान
All Editions
Share Your Thoughts
Your review helps others make informed decisions
Click on a star to start your review