रमेश सायनकाे 'छुटेका अनुहार'लाई पद्मश्री साहित्य पुरस्कार

Aug. 27, 2019

रमेश सायनकाे 'छुटेका अनुहार'लाई पद्मश्री साहित्य पुरस्कार

खेमलाल-हरिकला लामिछाने समाज कल्याण परिषद २०७५ सालको 'पद्मश्री साहित्य पुरस्कार' निबन्धकार तथा कवि रमेश सायनको 'छुटेका अनुहार' लाई प्रदान गर्ने निर्णय गरिएको छ । यसको जानकारी खेमलाल-हरिकला लामिछाने समाज कल्याण परिषदका अध्यक्ष जीवा लामिछानेले टुइटर मार्फत दिएका हुन् । 

त्यसैगरी यस वर्षको 'पद्मश्री साधना सम्मान' इतिहासकार महेशराज पन्तलाई प्रदान गरिएको सोमबार प्रतिष्ठानद्वारा जारी विज्ञप्तिमा जनाइएको छ। पुरस्कारको राशी २ लाख रुपैयाँको रहेको छ । पुरस्कार तथा सम्मान आगामी कोजाग्रत पूर्णिमाको दिन प्रदान गरिनेछ। प्रतिष्ठानले २०६७ सालदेखि पद्मश्री साधना सम्मान र २०६२ सालदेखि पद्मश्री साहित्य पुरस्कार दिंदै आएको छ ।  

 

प्रेस विज्ञप्तिमा भनिएको छ:

"खेमलाल हरिकला लामिछाने समाज कल्याण प्रतिष्ठान

रत्ननगर-१, चितवन

मितिः २०७६/०५/१०

प्रेस विज्ञप्ति

खेमलाल हरिकला लामिछाने समाज कल्याण प्रतिष्ठानद्वारा वर्ष २०७५ सालको पद्मश्री साहित्य पुरस्कार निबन्धकार रमेश सायनको संस्मरण 'छुटेका अनुहारलाई अर्पण गर्ने निर्णय गरिएको छ ।

छुटेका अनुहारमा लेखक रमेश सायनले आफैले भेटेर छुटेका केही अनुहार र तिनको मनोवृत्तिको सूक्ष्म चित्रण अनुभूतिको गहिराइसम्म पुगेर कलात्मक शैलीमा पस्तुत गरेका छन् ।

त्यस्तै यस वर्षको पद्मश्री साधना सम्मान पाँच दशकदेखि नेपाली इतिहास र संस्कृतिलाई लिपिवद्ध तथा जर्गेना गर्दै आएका पूराविद्, इतिहासविद् तथा संस्कृतज्ञ डा. महेशराज पन्तलाई अर्पण गर्ने निर्णय गरिएको छ ।

दुईसय भन्दा बढी शोधलेखका साथसाथै ६ वटा पुस्तक प्रकाशित गरेका महेशराज पन्त नेपाली भाषा, संस्कृति, इतिहासका अन्वेषक हुन् । २००९ सालमा पिता नयराज पन्तले सुरु गरेको संशोधन मण्डलका अभियन्ता महेशराज पन्तले २०२१ सालदेखि इतिहास प्रधान पूर्णिमा प्रकाशन गरिरहेका छन् । प्रामाणिक अनुसन्धान तथा त्यसलाई नेपाली वाङ्मयमा स्थापित गरेका महेशराज पन्तको योगदानलाई कदर गर्दै २०७५ सालको पद्मश्री साधना सम्मान अर्पण गर्ने निर्णय गरिएको छ ।

पद्मश्री साहित्य पुरस्कार र पद्मश्री साधना सम्मानको राशी रु. दुई लाख रुपैंया रहेको छ ।

वि.स. २०६३ सालदेखि खेमलाल हरिकला लामिछाने प्रतिष्ठानले नेपाली साहित्यका वर्षभरि प्रकाशित पुस्तकमध्ये निर्णायक मण्डलले उत्कृष्ट ठहर्याएको पुस्तकलाई प्रत्येक वर्ष पद्मश्री साहित्य पुरस्कार अर्पण गर्दै आएको छ ।

त्यस्तै वि.सं.२०६७ सालदेखि प्रतिष्ठानले साहित्य, कला, सङ्गीत, अभिनय आदि क्षेत्रमा दीर्घ साधना गर्नुहुने वरिष्ठ साधकलाई पदमश्री साधना सम्मान अर्पण गर्दै आएको छ ।

दुवै सम्मान तथा पुरस्कार कोजाग्रत पूर्णिमाको दिन अर्पण गरिनेछ ।

जीवा लामिछाने 

अध्यक्ष, 

खेमलाल हरिकला लामिछाने प्रतिष्ठान 

रत्ननगर, चितवन"


 

Image Source: Jiba Lamichhane, Twitter


Latest News

सार्वजनिक भयो, दुर्गा कार्कीको 'कुमारी प्रश्नहरू'

Feb. 21, 2020

पब्लिकेसन नेपालयले २०२० को आफ्नो पहिलो पुस्तक सार्वजनिक गरेको छ । यही क्रममा शुक्रबार बिहान नवोदित लेखक दुर्गा कार्कीको प्रथम कृति ‘कुमारी प्रश्नहरू’ सार्वजनिक भएको

काठमाडौंको नेपथ्य साँझले दोलखामा स्कुल भवन

Feb. 18, 2020

नेपथ्यको कन्सर्ट जानुका पछाडि दर्शकहरुको एउटै उद्देश्य हुनेगर्छ, आफ्नो प्रिय लोकरक ब्याण्डको संगीत सुनेर रमाउनु । तर, आगामी फागुन १७ गते काठमाडौंको भृकुटी मण्डपमा आयोजना

Nepalaya to publish Durga Karki’s debut book ‘Kumari Prashnaharu’

Feb. 13, 2020

The new team at Publication nepalaya has been working for creating a fresh catalog for the year 2020 and they are now ready with 4