Phurlung

महेश्वर पन्तको आख्यान 'फुर्लुङ'ले मोदीखोलो र कालीगण्डकीको दोभानमा माछा मारेर र डुङ्गा तारेर गुजारा चलाउने माझी परिवारको विस्थापनको कथा वर्णन गरेको छ । 

मोदीखोलो र कालीगण्डकीको उत्तर-पश्चिम दोभानमा माछा मारेर र डुङ्गा तारेर गुजारा चलाउने बोटे (माझी) परिवार विस्थापनको आख्यान हो, फुर्लुङ । स्थान, भाषा, परम्परा र संस्कार विशेषका कारण यो अब्बल आञ्चलिक आख्यानमा दरिएको छ ।

गरिबको शासन आउने आशामा माओवादी विद्रोहमा सामेल पुस्ताको धूलिसात सपनामाथि आख्यानले करूण व्यङ्ग्य गरेको छ । आकारमा लघुकाया भए पनि यसले पाठकलाई सुरूआतदेखि समापनसम्म बाँधेर राख्छ । यो लोकजीवनको अध्ययनका निम्ति पनि गहकिलो खुराक हुन सक्छ ।

फलेबास, पर्वतका महेश्वर पन्तको पहिलो उपन्यास हो, फुर्लुङ । यसअघि उनका मुन्द्री र नबोल्नेहरू कथासङ्ग्रह प्रकाशित छन् । सामाजिक यथार्थमाथि हास्य र व्ययको पुटसहित कथा लेख्न पन्त सिपालु छन् । उनको लेखन शिल्प सरल र सरस छ।