"एउटै पार्टीका स्थानीय एकाइका बैठक बस्दा कि त दलितको घरमा बस्नुपर्ने, ब्राह्मण-क्षत्रीकहाँ बस्ने हो भने कोही ढोकाभित्र र कोही ढोकाबाहिर बसेर परिपत्र पढ्नुपर्ने बाध्यता प्रत्यक्ष रुपमा लगातार भोग्नुप-यो । त्यस्तो समस्या भोग्दै आउँदा पनि वर्गीय एकतामा गम्भीर समस्या उत्पन्न गरिरहेको हिन्दू सामन्तवादको विशिष्ट चरित्रको अनुसन्धानतिर ध्यान नजानु ठूलै विडम्बना हो । राजनीतिक पार्टीमा देखिएको त्यस्तो दरिद्र दशाले स्वयम् ती पार्टीको संरचना र चिन्तन प्रक्रियामा हिन्दू सामन्तवाद प्रत्यक्ष वा परोक्ष रुपमा कुन हदसम्म प्रभावशाली रहँदै आएको छ भन्ने सत्यतिर पनि राम्ररी सङ्केत गर्दछ ।"

"भारतमा दलितबारे; दलित र अन्यको सम्बन्धको प्रकृतिबारे धेरै अघिदेखि धेरै लेखिएका छन् । तर यीमध्ये थोरैले मात्र दलितपना निर्माणबारे उच्च ऐतिहासिक सैद्धान्तिक तह पक्रन सकेका छन् । आहुतिको यो किताब भने वर्तमान नेपालका दलित; दलित र अन्यको सम्बन्धको प्रकृतिबारे हठात् जस्तै सो उच्च तह प्राप्त गर्न सफल भएको छ । यो किताब कम्तीमा पनि मैथिली र हिन्दी भाषामा अनुवाद हुनु जरूरी छ । दक्षिण एसियाका सकेसम्म धेरै बौद्धिक र राजनीतिकर्मीले पढ्नु जरूरी छ । साथै, यसको सरलीकृत र छोटो अंश नेपालका स्कुल र कलेजका पाठ्यसामग्रीभित्र समेटिनु जरूरी छ ।"