जनक रसिक सुदूरपश्चिमका चर्चित युवा लेखक हुन्। विगत दुई दशकदेखि सुदूरपश्चिममा रहेर साहित्य सृजना गर्दै आएका रसिक यस क्षेत्रमा पठन संस्कृतिको विकास, परिवर्तित समयमा साहित्यिक माहौल निर्माण र राष्ट्रिय मूलधारमा सुदूरपश्चिमको बहुआयामिक पहिचान स्थापित गर्न सिर्जनाका विभिन्न अभियान सञ्चालन गर्दै आएका छन् ।
सुदूरपश्चिममा टिकटमा रचना वाचन कार्यक्रमको सुरुवात गरेर यस क्षेत्रका सर्जकहरूको सृजनात्मक सशक्तीकरणमा पनि उनले विशेष पहल गरिरहेका छन् ।