Utsarga

यो उपन्यासले वैदेशिक रोजगारीमा जानुपर्ने आम अभिभावकको बाध्यता र त्यसले सन्तालाई दिने सन्तापको बिसयलाई मुख्य कथावस्तु बनाएको छ । अभिभावकले यौटी बालिकालाई कहिले होस्टेलमा त कहिले आफन्तलाई जिम्मा लगाई प्रवासमा बस्नु पर्दाको उकुसमुकुस र त्यसले दिने मानसिक सन्तापलाइ सजिव तवरले उपन्यास 'उत्सर्ग' मा लेखकले प्रस्तुत गर्नुभएको छ | सरल र मर्मस्पर्शी भाषामा लेखिएको यो उपन्यासमा अभिभावक र बच्चा एक्लिँदाका अनुभूति छ | मान्छेलाई मान्छे बनाउन पात्रा आर्याको सशक्त भूमिका छ | र, एकथोक पाउन सबथोक गुमाउनुपछिको पश्चाताप यो उपन्यासले बखान गरेको छ ।

मलाई सानैदेखि एक्लो छाड्दा कुनै सुर्ता भएन ममी-ड्याडीलाई, तर अहिले चौध-पन्ध्र वर्षकी किशोरीको उहाँहरू यसरी चियोचर्चा गर्नुहुन्थ्यो, मानौं म अहिले पनि छ-सात वर्षकै छु ! विश्वासको महल आफै बनेको पो बलियो हुन्छ, खेताला लगाएर बनाएको विश्वासको महल जतिसुकै झिलिमिली भए पनि अडिलो हुँदैन । 

००

पछाडि छाडेको सम्बन्धको महत्त्व त्यति बेला झन् राम्ररी बुझिन्छ, जब छाडिएको सम्बन्धका तुलनामा रोजिएको सम्बन्ध पीडादायी हुन्छ

००

जागीर छुट्दैमा मालीले आफूले बडो मेहनतले सिँगारेको बगैंचा तहसनहस पार्दैन । यदि पार्छ भने उसको मानसिक सन्तुलन ठीक नभएको बुझ्नुपर्छ । किनकि जुन चीजसँग मन गाँसिएको हुन्छ, त्यसलाई छाड्न त सकिएला, तर उजाड्न सकिँदैन ।