आधुनिक जीवनको तनाव र एक्लोपनबाट मुक्त हुने रैथाने मार्गको खोजी! २१ औँ शताब्दीको भौतिक सुविधा र डिजिटल चमकधमकका बीच आजको मानिस किन झन् बढी चिन्तित, अशान्त र एकाकी बन्दैछ? किन आधुनिक औषधिहरूले मात्र मानिसको आन्तरिक अशान्तिलाई पूर्ण रूपमा निको पार्न सकिरहेका छैनन्? जनस्वास्थ्यविद् तथा मानवशास्त्रीको गहन अध्ययन र अनुभवबाट जन्मिएको यो पुस्तक साया: मुन्धुमी चेतना र तनाव व्यवस्थापन ले यसको उत्तर हाम्रै माटो र पुर्ख्यौली दर्शनमा पहिल्याएको छ। किरात मुन्धुमी परम्परामा मानिसको आन्तरिक शक्ति, आत्मविश्वास र मानसिक दृढतालाई ;साया; भनिन्छ। जब मानिस आफ्नो पहिचान, समाज र प्रकृतिबाट विच्छेद हुन्छ, उसको ;साया; ढल्छ। यो पुस्तकले साया ढल्नु को वैज्ञानिक/मनोवैज्ञानिक रहस्य खोतल्दै, विश्लेषण गर्दै साया चोङमा; (शिर उठाउने) अनुष्ठानलाई आधुनिक तनाव व्यवस्थापनको सशक्त ओखतीका रूपमा प्रस्तुत गर्दछ।
यस पुस्तकमा तपाईँले पाउनुहुनेछ:

• रैथाने ज्ञान र विज्ञानको सङ्गम: चिकित्सा मानवशास्त्र र आधुनिक मनोविज्ञानको नजरमा मुन्धुमी चेतना।
• जीवन्त केस स्टडीहरू: परम्परागत फेदाङ्माका अनुभव र सहरी तनाव जितेका युवाहरूको कथा।
• व्यावहारिक टुलकिट: दैनिक १० मिनेटमा गर्न सकिने श्वासप्रश्वास अभ्यास, साया आत्म-मूल्यांकन र इको-थेरापी।
• मानसिक स्वतन्त्रता: सांस्कृतिक हीनताबोधलाई तोड्दै विऔपनिवेशीकरण र पहिचानको पुनर्स्थापना। तपाईँको ढलेको शिरलाई पुनः उठाएर जीवनमा आन्तरिक शान्ति, सन्तुलन र आत्मविश्वास भर्ने एउटा व्यावहारिक र शोधमूलक ग्रन्थ!