Filingo

महिलाको आत्मसम्मान र आत्मनिर्णयका विषयलाई आधार बनाएर लेखिएको उपन्यास हो फिलिङ्गो । समाजमा महिलाले अनेक प्रकारका हिंसाहरु खेप्नु परेको छ । अज्ञानता र चेतनाको अभावमा महिलाहरुले यस्ता दुव्र्यवहारहरु युगौँदेखि सहदै आएका छन् । सम्मानित जीवन बाँच्न पाउनु पर्छ चेतनाको अभावमा जीवनलाई जम्ने तलाउ बनाउन हुँदैन भन्ने सन्देश उपन्यासले दिएको छ । जापान र नेपालको परिवेशलाई आधार बनाएर लेखिएको यो उपन्यासकी प्रमुख पात्र सीमान्ती पितृसत्ताको शोषणमा परेकी छ । आफु यसरी शोषणमा पर्न हुँदैन भन्ने चेतना उसले समयमै बोध गर्छे र अस्तित्व निर्माणका लागि लड्छे र अन्ततः सफल हुन्छे । यी सन्दर्भहरुमा जापानी महिला र नेपाली महिलाका संवेदनाहरु पनि जोडिएका छन् ।  

फिलिङ्गो पूँजीवादी अर्थव्यवस्था र पितृसत्ताको शोषणमा परेकी सीमान्तीको अस्तित्व निर्माणको कथा हो । उपन्यासमा सीमान्तीको मूल कथासँग आप्रवासी श्रमिकका व्यथा, महिलामाथि समाजले गर्ने हिंसाका अनेक तह र पैसाको पछाडि भौंतारिन बाध्य भौतिकवादी जीवनका पीडा रोचक ढङ्गमा जोडिन आएका छन् । मात्चुयामा सहरको केन्द्रमा बुनिएको यस उपन्यासले जापानसम्बन्धी अनेक तथ्य र त्यहाँको इतिहास, संस्कृति र संस्कारका विविध सन्दर्भलाई वर्णनात्मक शैलीमा उतारेको छ ।

नारीमाथि हुने गरेका दमनको अन्त्यका लागि सामाजिक सचेतनाका साथै महिलाको आत्मविश्वास र अठोट आवश्यक छ भन्ने चेतनाको झिल्को बाल्ने काम फिलिङ्गोले गरेको छ । पूँजीवादी अर्थव्यवस्थाका कारण पैसाका लागि जीवनलाई दाउमा लगाउन बाध्य विकासोन्मुख मुलुकका जनताको जीवन कति सङ्घर्षपूर्ण छ भन्ने विषयलाई फिलिङ्गोले समेटेको छ ।

- डा. रजनी ढकाल