Rajendra Tarakini
राजेन्द्र तारकिणी
राजेन्द्र तारकिणी (राजेन्द्रप्रसाद पन्त) एक प्रतिभाशाली कवि एवं लेखक हुन् । साठीको दशकको उत्तरार्धदेखि साहित्य क्षेत्रमा औपचारिक रूपले देखा परेका तारकिणी सम्भवतः नेपाली साहित्यका प्रथम श्रवणविहीन कवि/लेखक हुन् ! नेपाली साहित्य प्रतिष्ठान, उत्तर अमेरिकाद्वारा आयोजित अन्तर्राष्ट्रिय नेपाली कविता प्रतियोगिता (सन् २०१४) मा प्रथम भएका तारकिणीको पहिलो प्रकाशित रचना आमाको वेदना हो । वि.सं. २०६७ सालमा उनको खण्डकाव्य नारीपूजा रत्नपुस्तक भण्डार, काठमाडौंले प्रकाशित गरेको थियो । उनले एन.एम. शुभद्रा भानुभक्त काव्य पुरस्कार, धन-इन्दिरा राणा बहिरा प्रतिभा पुरस्कार, क्षेत्रीय ललितकला पुरस्कार लगायत एक दर्जन पुरस्कार/सम्मान प्राप्त गरेका छन् ।
