यो पुस्तकमा नेपालमा चलिरहेको समावेशीकरण तथा आरक्षणको बहसलाई सैद्धान्तिक तथा खोजमूलक ढङ्गले गहिरो चिरफार गरिएको छ । विशेषतः कर्मचारीतन्त्र तथा अन्य क्षेत्रमा लागू गरिएको समावेशी नीतिको औचित्यमाथि उठाइएका प्रश्नबारे सैद्धान्तिक र व्यावहारिक उत्तर खोज्ने कोसिस गरिएको छ ।

यो पुस्तक आरक्षणले योग्यतातन्त्र (मेरिटोक्रेसी)लाई दुर्बल बनाएको तथा समावेशी नीतिको लाभ महिला, मधेशी, जनजाति र दलित समुदायका सम्भ्रान्त (एलिट)ले मात्रै लिएको डिस्कोर्समा केन्द्रित छ । हाल प्रचलित 'व्यक्ति-केन्द्रित योग्यतातन्त्र ́ असमावेशिता र असमानतालाई सम्बोधन गर्न असफल रहेकोले त्यसको विकल्पमा 'समावेशी योग्यतातन्त्र'को मोडेल डिस्कोर्सका लागि सुझाइएको छ । पुस्तकका लेखक डा. रमेश सुनामको निष्कर्ष छ, समानुपातिक समावेशिता प्रवर्धन गर्न राज्यले अँगालेको समावेशिताको मोडेलले समावेशिता होइन, असमावेशितालाई स्थायी बनाउन थालेको छ । त्यसैले लेखकले समानुपातिक समावेशिता तथा समावेशी लोकतन्त्र प्रवर्धनका लागि नयाँ विधि र मोडेल पनि सुझाएका छन् ।

Search Results for 'Madhesī muktiko praśna Bāburāma Bhaṭṭarāī'