Taksar Vol. 6 Issue 3

टक्सार प्रिमियम म्यागजिन: २०८३ असार अंकका प्रमुख आकर्षणहरू:

कभर स्टाेरीः बजेट विपथन;  बजेटको मूल मर्म सहरी मध्यम वर्ग र पुँजी बजारको पुनरुत्थानमार्फत आर्थिक सङ्कुचन हटाउने देखिन्छ। तर करको बोझ घटाउने नीतिले राजस्व सङ्कलन र तल्लो वर्गको सामाजिक सुरक्षामा असर पर्ने सम्भावना छ।

आवरण विश्लेषण - हरि रोका: आर्थिक लोकतन्त्र र बजेट: धन-सम्पत्तिको अत्यधिक केन्द्रीकरण, विऔद्योगिकीकरण र बढ्दो असमानताले लोकतान्त्रिक व्यवस्थालाई नै चुनौती दिइरहेका बेला राजनीतिक लोकतन्त्रलाई दिगो बनाउन आर्थिक लोकतन्त्र अपरिहार्य बन्दै गएको छ।

टक्सार-टक: जलविद्युत क्षेत्र अर्थतन्त्रको इन्जिन हो, इन्जिन सही गतिमा छ: सानो स्तरबाट सुरु भएको यो यात्रा अहिले देशलाई समृद्धिको बाटोमा लैजाने ऊर्जा क्षेत्रको रूपमा विकसित भएको छ। स्वतन्त्र ऊर्जा उत्पादकहरूको संस्था (इपान) का अध्यक्ष मोहनकुमार डाँगीसँगको टक्सार टक।

आवरण वार्ता: वर्षमान पुन, पूर्वअर्थमन्त्री: बजेटले तल्लो वर्गको कल्याण बिर्सेको छ: उच्च वर्गलाई नहेर्ने भनेको होइन। निम्न वर्गहरूलाई उठाउने कार्यक्रम ल्याएर यसलाई समन्यायिक र सामाजिक न्यायसहितको बनाउनुपर्छ।

कृषि-वातावरण - डा. उमेश आचार्य: एल निनोको धान खेती प्रणालीमा असर: हाल देशको ७५ प्रतिशत कृषियोग्य जमिनमा आकाशी पानीको भरमा खेती गर्नुपर्ने बाध्यता भएको स्थितिमा खडेरी लगायतका मौसमजन्य दुष्चक्र अवश्यम्भावी छ।

विचार - अर्जुनकुमार गौतम: वैकल्पिक विकास वित्त कोष: आवश्यकता का प्रयोग ?: सरकारी राजस्व, बैंकिङ क्षेत्रको ऋण, सीमित रूपमा भइरहेको निजी क्षेत्रको लगानी तथा परम्परागत वैदेशिक सहायता वा ऋणबाट मात्र यस्तो विशाल लगानी आवश्यकता पूरा गर्न सकिने अवस्था छैन।

बैंक - घट्दो थ्रेसहोल्ड र थुप्रिएको तरलताको सकस:

साथमा,

•  बैंक - घट्दो थ्रेसहोल्ड र थुप्रिएको तरलताको सकस:
• फिनटेकः एकीकृत हुँदै डिजिटल कारोबार
• पुँजीबजारः प्रणाली कमजोर, प्रविधि डिजिटल
• सार्वजनिक संस्थानः पुनर्संरचनाको पर्खाइ
• महिला उद्यमः सौन्दर्य क्षेत्रमा उदाएकी निरम
• संसदीय मञ्चः पर्यावरणीय कृषि अभियन्ता डा. तामाङको संसद यात्रा
• आइटीः सूचना प्रविधि अर्थतन्त्रलाई बजेटको प्राथमिकता
• ब्रान्ड-स्टोरीः एसियाको निर्माण गतिको साइलेन्ट इन्जिन इन्को
• विपद-अर्थतन्त्रः खडेरीको अर्थसामाजिक सङ्कट
• अर्थ-तथ्यः नेपालमा लेखापरीक्षण-केही अनुभूतिहरू

समेतका नियमित सामग्रीहरू