Sambriddhika Aadhar

व्यावसायिक कृषिकर्म आफैमा पर्यटनको उच्च क्षेत्र हो । यसै यथार्थको प्रामाणिकता पुष्टि गर्न कृषि पर्यटन अभियन्ता जीवन राई ७ वर्ष ९ महिना १९ दिनमा ७७ जिल्लाका २६६ नगरपालिका र ३७९ गाउँपालिका घुमे । २७ हजारभन्दा बढी स्थानीय जनतासँग प्रत्यक्ष छलफल गरे । स्थानीय उत्पादन, व्यावसायिक खेतीका प्रयास र सम्भावना अध्ययन गरी पुस्तक, पत्रपत्रिका, रेडियो र टेलिभिजनमार्फत जनमानसमा अनुभव बाँडे । अभियन्ता राईको देशाटनको यथार्थ प्रतिवेदन हो 'समृद्धिका आधार' । 

सौन्दर्य र रम्यता मात्र होइन, भौगोलिक, वातावरणीय, जैविक, सामाजिक, सांस्कृतिक विविधताको खुला पाठशाला हो नेपाल । प्रकृतिप्रदत्त यही विविधतालाई नेपाली विशिष्टतामा परिवर्तन गरे विश्वलाई उदाहरण बन्छ । हाम्रो देश समृद्ध, उन्नत र विकसित हुन्छ । 'निर्वाहमुखी कृषिलाई व्यावसायीकरण गरी पर्यटन क्षेत्रको विकास गरे देश समृद्ध हुन्छ' भन्ने आधार तय गर्ने अभियानको कसी हो 'समृद्धिका आधार' । 

परम्परा धान्ने होइन, देशमा प्रविधि हस्तान्तरण गरी व्यावसायिकता अँगालेर कृषि क्षेत्रमा उन्नति गरे पर्यटन विकास आफै हुन्छ । किनभने व्यावसायिक कृषिकर्म आफैमा पर्यटनको उच्च क्षेत्र हो । यसै यथार्थको प्रामाणिकता पुष्टि गर्न कृषि पर्यटन अभियन्ता जीवन राई ७ वर्ष ९ महिना १९ दिनमा ७७ जिल्लाका २६६ नगरपालिका र ३७९ गाउँपालिका घुमे । २७ हजारभन्दा बढी स्थानीय जनतासँग प्रत्यक्ष छलफल गरे । स्थानीय उत्पादन, व्यावसायिक खेतीका प्रयास र सम्भावना अध्ययन गरी पुस्तक, पत्रपत्रिका, रेडियो र टेलिभिजनमार्फत जनमानसमा अनुभव बाँडे । अभियन्ता राईको देशाटनको यथार्थ प्रतिवेदन हो 'समृद्धिका आधार' । 

नयाँ नेपालको यथार्थ बोकेको 'समृद्धिका आधार' नीति निर्माण र कार्यान्वयन गर्नेहरूका लागि मात्र होइन, कृषि व्यवसायी, अध्येता, अन्वेषक र नेपाल बुझ्न चाहने सबैका लागि उत्तिकै उपयोगी छ ।