| Genre: | Advice On Careers & Achieving Success |
|---|---|
| Language: | Nepali |
| Published: | July 31, 2022 |
पछिल्लो बाहिरी पृष्ठबाट
काठमाडौंस्थित ओमबहाल टोलमा जन्मनुभएका यस पुस्तकका लेखक डा. सुदर्शन भक्त माथेमा पेसाले कृषि अर्थशास्त्री हुनुहुन्छ । उच्च शिक्षामा उहाँले अस्ट्रेलियाको क्यानबरास्थित अस्ट्रेलियन नेसनल युनिभर्सिटीबाट कृषि विकास अर्थशास्त्रमा स्नातकोत्तर डिग्री र फिलिपिन्सको लस बानसस्थित युनिभर्सिटी अफ द फिलिपिन्सबाट कृषि अर्थशास्त्रमा विद्यावारिधि डिग्री हासिल गर्नुभयो । वि.सं. २०२५ मा कृषि प्रसार विभागअन्तर्गत कृषि प्रसार अधिकृतको पदमा सरकारी सेवा प्रवेश गर्नुभई विभिन्न जिल्ला र पदहरूमा रहेर २२ वर्षको सेवापछि उपसचिवको पदमा छंदा उहाँ निवृत्त हुनुभयो । कामको सिलसिलामा उहाँले नेपालका ५२ जिल्लाहरूमा भ्रमण गर्नुभएको छ । उच्च शिक्षा पूरा गर्न र सम्मेलन, गोष्ठी आदिमा भागलिन उहाँले २५ देशहरूको भ्रमण गर्नुभएको छ । सरकारी सेवाबाट निवृत्त हुनुभएपछि डा. माथेमाले विभिन्न राष्ट्रिय, अन्तर्राष्ट्रिय संघसंस्थाहरुका लागि परामर्शदाताको रूपमा काम गर्नुभयो । डा. माथेमाको मूलतः कृषि क्षेत्रसम्बन्धी पुस्तक, प्रतिवेदन र लेखहरु प्रकाशित भएका छन् । साहित्य क्षेत्रतर्फ वि.सं. २०७७ माघ महिनामा मैले बुझेको जीवन' शीर्षकमा उहाँको एउटा छन्द कविता सङ्ग्रह पुस्तक प्रकाशित भएको छ ।
सफल बन्न को चाहँदैन ? जो-कोहीले पनि जीवनमा सफल बन्ने कोशिश गरेको हुन्छ । तर बहुसङ्ख्यक मानिस जीवनमा सोचे/खोजेजस्तो हुँदो रहेनछ भन्ने गुनासो गर्छन् । यसो हुनुका कारण थुप्रै हुन सक्छन् । यस पुस्तकमा लेखकले कुनै पनि क्षेत्रमा सफलता हासिल गर्न अपनाउनुपर्ने महत्त्वपूर्ण विषयवस्तुहरूलाई सरल भाषामा प्रस्तुत गर्नुभएको छ । सफलता प्राप्त गर्न इच्छुक जो-कोहीको लागि पनि यो पुस्तक उपयोगी हुने छ ।
- कुनै पनि मानिस आफ्नो निर्धारित लक्ष्य अनुसार अथक परिश्रम र प्रयास नगर्ने तर भाग्यलाई मात्र दोष दिएर सफल बन्न सक्दैन ।
- सफलताको लागि मानिसमा हुनुपर्ने मुख्य गुणहरु हुन्- आत्मविश्वास, इच्छाशक्ति, सकारात्मक सोच, कडा परिश्रम र लगनशीलता ।
- सफलताको लागि सही निर्णय लिने खुबीमा विकास र सक्षमता मानिसमा हुन जरूरी छ । सही निर्णय लिने तरिकाको छनौट गर्न अपरिहार्य हुन्छ ।
- धनी व्यक्तिहरूले सफलता प्राप्त गर्न कस्ता पेसा व्यवसाय रोजे, कति कडा परिश्रम गरे भन्ने जानकारी पाउन उनीहरुको जीवनीबारे अध्ययन गर्न जरूरी छ ।
- महान् व्यक्तिहरूले बोलेका, लेखेका केही महत्त्वपूर्ण उद्धरणहरूबारे सोच-विचार पुयाउँदा सफलताको लागि ठूलो प्रेरणा मिल्छ ।