नेपाली साहित्यका उच्च श्रेणीका विद्यार्थीहरूले पनि यी कथाहरूको अध्ययनबाट ठूलो लाभ नउठाउलान् भन्न सकिन्न । ऐतिहासिक महत्त्व दिएर मात्र यिनको राम्रो सम्मान हुनेछ भन्ने कुरालाई ध्यानमा राखेर पढ्‌यौँ भने हामी मैनालीलाई नेपाली जीवनका अद्वितीय कलात्मक विश्लेषकका रूपमा पाउनेछौं भन्ने मेरो धारणा छ । साँच्चै भन्ने हो भने नेपाली गाउँले जीवनका चित्रणमा उहाँलाई उछिन्ने कथाकार आजसम्म जन्मेको छैन पनि ।