काव्यिक अभिव्यक्तिमा जीवनको सार खोज्ने कवि बाबुराम श्रेष्ठ 'यात्री' (२०४४) सिन्धुलीका एक लोभलाग्दा प्रतिभा हुन् । आमा लक्ष्मीकुमारी र बाबु रामबहादुरका सुपुत्रका रूपमा गोलोन्जर-५, विजयछाप, सिन्धुलीमा जन्मिएका उनी मरिण-७, बाहबिसे, सिन्धुलीमा स्थायी बसोबास गर्छन् । काठमाडौं विश्वविद्यालयमा एम.फिल. अध्ययनरत यात्रीले अङ्ग्रेजी विषयमा स्नातकोत्तर (एम.एड.) गरेका छन् । उनी मरिण बहुमुखी क्याम्पस र कपिलाकोट मा.वि.मा अध्यापनरत छन्।कविताका अलावा गीत र कथामा समेत कलम चलाउने यात्रीको २०६३ सालमै 'देश स्वप्न' (कवितासङ्ग्रह) प्रकाशित छ। 'मरिण साहित्य समाज'का अध्यक्ष यात्री 'सिन्धुली वाङ्मय प्रतिष्ठान', 'जनमत मासिक', 'कल्पतरु त्रैमासिक' लगायतका संस्थासँग जोडिएका छन्।